四仔男優日日同咁多女人做愛，正所謂見慣大場面，應該無咩女人可以難倒佢哋，不過脫星Dorothy Green卻係好多男優心目中的剋星，事關佢床上功夫好到家，十足十雜耍專家咁樣，專玩高難度動作又爛砌，一上床就要以榨乾對手為己任，搞到好多男優見到佢都怕怕。但係影迷就好鍾意佢嘅拚搏演出，仲封佢為床上雜技家。
Dorothy Green其實入行日子唔長，只有兩年貨仔，但係知名度就愈來愈高，除了雜技出色之外，仲有佢性經驗豐富，自然令影迷賞心悅目。阿妹自稱14歲就失身，未到20歲，已曾經有半百男伴，淫亂程度可以媲美某籃球巨星。所以佢身邊嘅朋友，對於佢入行做四仔女星，一啲都唔覺得驚訝，仲覺得佢好有腦，識得搵自己啱做嘅工作，前途一定無可限量。雖然佢一向以自己身邊多男人而自豪，不過現實卻係好多男優唔肯同佢做對手戲，見到佢都掉頭走，搞到佢片約開始下降。
「我最鍾意向難度挑戰，又鍾意做愛，所以同男人上床一定要去到盡，佢哋唔肯同我做對手戲，係因為佢哋無專業精神，又怕瘀驚畀我砌低，無啲大志。所以我依家索性自己出去搵新面孔男優，唔使靠呢班舊人，我已經同片商傾好，只要我搵到合適男優，就可以隨時開戲。」
Dorothy依家只得24歲，仲係屬於年輕力壯的脫星，所以仲有大把時間畀佢上位，而且佢咁有腦，識得自己出去搵男優，將來更可以自組班底，開拍系列式四仔，咁就一定可以豬籠入水。
「我依家已經好專注於工作，以前一放工就掛住溝仔，自從畀班男優杯葛之後，我學精咗，唔可以衰畀佢哋睇，所以將溝仔時間用嚟搵新面孔男優，一來可以幫到我，二來我又可以同佢試床戲，真係一舉兩得。」
作品推介《Sandy's girls》
內容：唔係Dorothy擔正，不過佢一出場就係高潮位，好搶鏡，搏命演出令人肉緊，唔止男優畀佢榨乾，連姊妹都畀佢磨到出煙。
三圍：32B、24、33
身高：5呎5吋
年齡：24
撰文：荒木