最近有網友話深圳有啲攝影會，搵啲年輕模特兒嚟做招徠，吸引攝影發燒友報名，當網友見到美女性感演出，個個都全身架晒，之後負責人就會暗示模特兒可以有下文。呢個原意本來十分啱玩，但佢哋竟有正路唔行，居然玩起偷呃拐騙。
受害網友話佢喺網上報名，參加一個攝影活動，費用就要四百蚊，之後去到現場有兩三個囡囡出現，畀你影個零兩個鐘後，大家都意猶未盡，負責人就話模特兒可以有下文，但要求落標競投，以價高者得。
但好奇怪佢哋要求在場十多個網友都要落標，當開標時，又唔係公開揭曉，當你得知中標之後，負責人就要求你先照標交足費用，然後就叫你去附近酒店開定房，最後當然畀人放晒白鴿，加上十幾個網友都話中標，擺明就係老千局。
撰文：大軍