去到外國旅行，大家好多時都會發現旅遊區嘅街道，有好多打扮得花枝招展嘅艷女，佢哋唔單只對遊客熱情，更加通曉多國語言，因為佢哋就係專做遊客生意嘅企街女。不過，到底係咪處處地方嘅企街女都係咁呢？非也，一條公路旁邊嘅企街女就完全被動，更加可以話火燒到埋嚟都唔會郁添！有咁奇怪嘅企街女咩？佢哋就係波蘭一條公路嘅吹氣公仔喇！
呢批吹氣公仔專門為駕駛長途車來往公路嘅司機而設，只要放低一歐元就可以幫襯，而服務完全屬自助形式，冇任何負責人睇住同收錢，客人只要憑良心畀錢，用完亦要將呢個「短暫情人」放回原位。雖然呢種自助形式係夠自由，但係全程冇人負責清潔吹氣公仔，真係搵鬼幫襯都得喇！
撰文：賢