單車輪：我老竇今年五十三歲，自從老媽子三年前去咗之後，佢就成日北上，喺東莞、深圳同場撞過佢幾鑊，我乜都唔驚，最驚佢搞個細媽返嚟就大件事啦！
笨占：多個細媽都唔緊要，最驚條女曾經同你有一手，到時你叫佢老婆，定係叫佢做老母呢？真係令人好混亂呀！所以呢件事，幾大都要反對到底，咪畀佢成事。
良友哥：話畀你老竇聽，出嚟玩嘅最高境界，就係千祈咪沉船，兩父子喺街外做襟兄弟，冇人會笑你，但如果閉門一家親，一定畀人笑到面黃，所以真係千祈咪制。
好天氣：啲老人家成世人都未出嚟玩過，一出嚟玩就好易會出事，建議你哋父子多啲一齊行動，多啲交流經驗，咁就可以避免做襟兄弟，兼且唔怕你老竇沉船啦。