AV女優每次拍攝之前，都要沖涼同刷牙，特別係刷牙，事關每次拍攝，都會有長時間嘅接吻鏡頭，如果口腔唔清新，男優作嘔反胃都係其次，嚴重嘅影響到佢哋性能力，咁就真係大鑊。至於囡囡刷牙時，着嘅係乜嘢衫大家又知唔知道呢？
最近日本AV雜誌就做咗個調查，訪問咗60個女優，問佢哋刷牙時最常會着乜嘢衫，得出5個結果，正好表示佢哋喺拍攝現場嘅唔同時候，雜誌社仲搵嚟專家講解每段時間嘅好壞，真係十分專業，首先，囡囡着便服刷牙，即係一嚟到現場就馬上刷牙。專家話囡囡起身就應該刷牙，唔使嚟到現場至再刷牙，除非係啱啱瞓醒牙都未刷，畀人十分唔衞生嘅感覺。
跟着就係着住內衣刷牙，女優嚟到現場要換上浴袍，等內衣褲造成嘅痕快啲消除，如果喺換衫期間就刷牙，專家話會阻礙工作嘅進度。事關之後要化籹、對劇本同埋食飯，呢個時候刷牙，畀人有啲只顧自己嘅感覺。
之後就係着住浴袍嚟刷牙，正如剛才所講期間還有很多工作，你偷偷哋走去刷牙，認真冇必要，兼且阻礙現場人員嘅工作。
最佳時間就係乜都唔着沖涼嘅時候。因為預咗時間畀你，沖涼刷牙一次過做晒，又夠專業，又夠衞生。
最差就係換上戲服嘅時候至刷牙，專家話臨拍攝前至去刷牙，有欠專業精神，而且剛刷完牙牙齦容易出血，再即時進行拍攝，容易會有交叉感染嘅機會，刷牙都咁講究，問你服未？
撰文：小德