早排有人問我，點解HG口岸冇晒啲桑拿嬸嬸喺度拉客。有人就話因為係大運會關係，所以就事前打一打喎！後嚟又有人指，只係因為泊車費問題，而令班嬸嬸失蹤。事實上，呢班嬸嬸之所以失蹤，確係因為泊車問題所致，而非因為大運會問題。不過從呢次事件中，不難發現好多玩家，畀近年嘅瘋狂嚴打，打到有啲神經緊張，有啲風吹草動，都會令佢哋有草木皆兵嘅感覺。
其實北上玩樂，向來都要小心為上。家陣臨行前就話有得上網睇吓「天氣報告」，喺十幾年前，網絡冇家陣咁發達時，遇到嚴打真係幾驚o架！記得當年有次去到DG，正坐緊白牌遊倉仔時，發現倉仔閂晒門。正當我哋唔知點解之際，突然有架KO車閃住燈靠埋嚟，問我哋喺度做乜，嚇到我哋叫司機拿拿臨踩油走人，真係嚇到鼻哥窿都冇肉！故此睇番今次單嘢，係就係敏感咗啲，但係安全至駛得萬年船。話時話，八月就係大運會，唔知幾時又打風呢？
撰文：大軍