內地避孕套品牌針對大學生調查報告指出，超過六成受訪者第一次性行為沒使用「膠笠」，性安全意識比農民工仲要低，反映大學生性教育不足。但脫星Erica Ellyson則認為事實剛剛相反，時下嘅年輕人每日都接受性愛資訊，唔戴袋實情脫星有責！
時下色情男女唔戴「膠笠」又關脫星事？絕對有關，皆因歐美日韓嘅四仔工業，為求視覺刺激，都帶頭唔用安全套，變相鼓吹坊間唔戴袋，脫星為保飯碗情願搵命搏。脫星Erica Ellyson更表示，假如敢提出要戴袋上陣，隨時飯碗不保：「一百部四仔作品中，超過九十部喺不安全性行為下發生，餘下嘅或者係自摸戲或女同互磨，換句話講成人工業本來就係最危險嘅工種，奈何從來冇人為我哋爭取權益，加上業界員工又唔爭氣，結果令呢種風氣繼續惡化！」惡化嘅意思，係指前門不注重安全，家陣連後門都冇做安全措施，增加染上世紀絕症風險！而Erica Ellyson終於忍無可忍，決定聯同幾位好姊妹發起安全性行為革命：「依家四仔唔戴袋唔單止影響男女脫星生命，甚至連坊間嘅好色之徒都有樣學樣，長此下去，性病及愛滋病將會不受控制。由今日開始，每接一部戲我都要簽安全守規，唔戴袋絕不上床。雖然少咗四仔拍令收入大減，但起碼我毋須每日擔驚受怕！」
正所謂孤掌難鳴，雖然Erica Ellyson致力帶起安全性行為，奈何脫星界甚少人撐佢，阿妹表示早知結果，但絕不後悔，仲話：「業界只着眼於利益而忽略每日都有脫星染上不同程度性病，因為大家都覺得唔會咁好彩，咁諗實在太天真，佢哋遲早會後悔！」四仔界有阿妹呢種脫星真有福，之不過肯為佢開戲嘅片商就愈嚟愈少，連早前宣布要堅守安全性行為嘅姊妹都敵唔過金錢壓力，要向無套性愛低頭，睇怕阿妹都要搵定後路，否則你肯剝都冇人畀機會你囉！
出生日期：1984年10月1日
三 圍：34C、24、34
身 高：5呎7吋
撰文：祖