以前夜總會好興設有大廳，當中有十幾廿張梳化，等玩家嚟到可以攬女睇表演。不過隨住玩法變咗，好多玩家情願同囡囡喺房猜枚、飲酒，都唔鍾意坐喺大廳嗰度睇表演，於是呢啲有騷睇嘅夜總會買少見少。既然潮流變咗，本嚟有舞池嘅單層夜總會，好多決定裝修，索性將大廳間多幾間房出嚟接客。不過對一啲天井式設計嘅夜場嚟講，就唔係裝修可以解決得了。呢個時候點算呢？
早排到訪咗間位於東莞嘅老牌夜總會，經理就話佢哋試過好多方法，例如搵人嚟表演雜技、玩魔術，甚至跳脫衣舞，效果都唔係咁明顯。最近佢哋就諗咗個方法，就係決定將夜總會嘅大廳變成的士高，效果居然出奇咁好！口講無憑，大軍決定去瞄瞄。入到去就發現生意相對以前，真係好咗好多！地下嗰層變咗做的士高，樓上幾層則仍然做夜總會。樓上嘅客可以喺走廊度瞄舞池啲女，而舞池度嘅囡囡又可以等樓上嘅客嚟架，最重要就係吸引好多後生玩家捧場。正所謂「窮則變，變則通」，就係呢個道理！
撰文：大軍