交友網Badoo指雅典膺最熱衷調情城市，而脫星Mariah Madysinn就話調查一啲公信力都冇，更表示芝加哥先至係最熱衷濫交城市喎！理由係當地係歐美四仔工業重鎮，每日有大大小小四仔作品喺度製作發行，濫交城市當之無愧喎！
脫星Mariah Madysinn直指芝加哥係最濫交城市，不過大家咪嘈住，查實阿妹只不過係想帶出早前網上調查有偏差，希望大家好好思考啫！「我認為呢類調查太表面，從用戶對話就作出報告話最多人調情，須知道人與人之間充斥不少謊言，或者該網站係一個結交異性網站，留言嘅大多係情侶，咁好自然對話都係調情啦！假如我喺美國創立一個宣洩網站，歡迎網友喺站內爆粗，難道美國又成為最多人講粗口嘅地方？」Mariah Madysinn敢怒敢言，之不過論點似乎又有啲根據喎！「無錯，但即使最多人濫交又如何，皆因坊間都知道芝加哥係其中一個四仔重鎮，床上嘅男女明顯係假戲真做，落床就各有各走，因此再濫交對呢個城市都冇乜壞影響！」
脫星Mariah Madysinn鬧爆網站，有人認為佢係乘機抽水，亦有網民話阿妹係因為試過調情失敗，導致討厭任何人作出調情行為，而Mariah Madysinn解釋：「我冇抽水更不會討厭調情，理由係作為脫星，每日都要喺床上做出調情動作，咁又點會討厭呢？我之所以要企出嚟數佢，無非係對方不盡不實，計我話脫星應該係最佳調情對手至啱！」哦，講到尾，阿妹無非想帶出脫星至係最佳調情對手，希望多啲人留意佢哋啫，咁嘅行為同交友網又有何分別呢？
出生日期：1983年5月27日
三圍：34D-25-34
身高：5呎5吋
撰文：祖