日本夜遊場一向出名噱頭多，再加上近年日本人適婚年齡愈推愈遲，有唔少單身男人十分渴望組織家庭，但又苦無對象，於是有夜場諗到條新橋，將囡囡包裝成新娘子，客人同佢哋發生一夜婚姻，大玩洞房樂趣。
呢間新娘夜總會，將囡囡包裝成新娘子，唔單止冇得陪坐、陪飲、陪玩，更加唔會好似平時去夜總會咁樣又煙又酒，反而走健康路線，客人入到嚟最重要係享受新婚樂趣，玩嘅係當新郎哥嘅喜悅，所以唔會同囡囡劈酒咁失禮，反而會同佢哋談情、唱歌，然後手拖手入房洞房。係人都知春宵一刻值千金，所以新娘子嘅洞房價都幾值錢o架！而且一分錢一分貨，新娘子愈靚，洞房價就愈高，客人要是想同佢再玩長啲都得，不過囡囡索價就好高，差唔多成個月人工畀埋佢，都係為咗結一晚婚，值唔值得，真係見仁見智。
夜場開業以來，大部分新娘子都會以穿上西式婚紗為主，不過都有客人特別要求佢穿上日式和服，最搞笑就係中式旗袍都有客人要求囡囡穿上。不過最重要係佢穿起婚紗之後，要有種人妻味道，唔可以仲係妖妖冶冶，咁樣就冇晒新娘子味道，大殺風景。所以近期夜總會都特別招攬一啲真正人妻嘅兼職中女，咁樣先夠地道同真實，客人玩得仲高興。
不過有客人認為如果夜總會可以改裝成婚姻註冊處，就更加有吸引力，直情當真嘅咁樣玩，先至夠過癮，話唔埋真係同囡囡擦出愛火，就變成假戲真做！
撰文：荒木