最近身邊好多朋友都話即將要去旅行。新春假期剛剛過晒，復活節假期又要等成兩個月，做乜要去旅行呢？朋友們俱表示，去旅行梗係要趁淡季啦！諗諗吓實在言之有理！所以，小弟即刻建議佢哋睇吓內地網友沙漠富翁嘅博客，因為佢最近上載嘅一篇博客充滿另類旅遊貼士。
沙漠富翁從其他渠道收集咗世界九大靚Club嘅資料，俱屬頂級豪華班次，絕對值得見識！就好似佢列出嘅靚Club第一名，位於紐約Standard酒店嘅The Boom Boom Room咁，屬於閣樓式夜店，除主要樓層就係派對場地，仲有二樓可以分開房玩，而到場更可以見到好多荷里活明星添！如果想知有關世界其他靚Club嘅資訊，方便安排旅遊行程，就要上佢個博客睇吓喇！
撰文：豪