講就係咁講，但係對一啲開業咗好多年嘅「老字號」嚟講，就有啲頭痕嘞！事關要使成筆裝修費嚟重裝之餘，工程期間更會騷擾到玩家，有啲仲要休業一段時間，嚴重影響生意。不過呢啲都係小事，有啲夜場老細，思想仲係跟唔上潮流。有相熟嘅內地夜場經理就話：「經常有玩家投訴，廂房內嘅音響有雜音，梳化又唔好坐、電視仲係大牛龜等。同老細提過不如裝修，但佢就話玩家嚟到，都唔係想唱K架啦！只係想攬女、飲酒同猜枚，又點會得閒理間房嘅裝修，同埋音響設備好唔好呢？既然老細咁講，我哋做細嘅又點出聲呢？咪睇住個場愈嚟愈舊囉！」正所謂工欲善其事，必先利其器，個場咁舊而設備又殘，點能夠叫做享受喎！
撰文：大軍