如果社會唔再規定大家要着晒衫先出街，你話幾好呢？先撇除我哋每日出街都能夠盡享眼福，以後大家更唔會先敬羅衣後敬人，因為你着得唔講究都冇人睇你唔起，女友亦唔會話你衣着品味差而影衰佢，最重要就係唔需要因為女友想買名牌衫褲而搏命搵銀。而呢個想法唔係妄想，因為法國就有一個被稱為「Naked City」（裸體之城）嘅社區Cap d'Agde！
呢個社區主要係由度假村組成，並分為「天體」同「衣着」兩個部分。屬於天體嘅區域入面，大家都可以剝光豬四圍走，去沙灘玩樂固然可以一絲不掛啦，而進入紀念品售賣店、麵包店、餐廳同夜總會都一樣唔需要着衫。由於呢度咁正，所以最近更被一個旅遊網站HotelsCombined.com選為2011十大最佳裸體勝地添。不過，小弟其實上網睇過唔少天體度假村嘅資料圖片，發現好多到此一遊嘅女遊客都已經上咗年紀喇，身材一定係走晒樣，估計裸體之城呢處亦唔例外，如果去到嚇咗一跳，就唔好話我冇提醒喇！
撰文：小德