意大利人就話上街聲討鹹濕總理，但美國四仔界居然有脫星於網上聲討鹹濕脫星姊妹，脫星笑脫星鹹濕，五十步笑百步，叫人點信你好呢？但當事人Kendra Banx就話脫星只係小電影演員，只按劇情需要而鹹濕，同某某鹹濕姊妹是兩個層次，決定要揪出黑手，潔淨四仔界喎！
脫星力數脫星鹹濕，外界一致反應係賊喊捉賊，以Kendra Banx所言，指某某脫星假公濟私，純為滿足一己私慾加入脫星界親近心儀脫星，但基於四仔本來就要展現情慾一面，試問又點分出真假先？難怪又有人反指Kendra Banx譁眾取寵，惟恐天下不亂！而阿妹就解釋：「外界只睇到四仔情慾一面，根本唔清楚四仔界嘅陰暗面，因此我覺得旁觀者唔應該咁多聲氣，否則只會自取其辱！」Kendra Banx句句有骨，言下之意更肯定四仔界內有黑手，但勿怪細佬多事，阿妹要聲討嘅係脫星，亦即係姊妹一名，以阿妹往績睇，同姊妹玩互磨戲份甚少，河水不犯井水，理應搞你唔到，點解又要咁架呢？
以陰謀論嚟諗，有人認為Kendra Banx今次聲討事件係有私心，目的係透過自己喺脫星界地位為姊妹出頭，更有口痕友話佢實情係同性戀者，因搞唔到某某脫星而因愛成恨，實要陷對方於不義喎！一時間網上出現多個版本，究竟邊個真邊個假，只有Kendra Banx心裏有數，但既然行出第一步，阿妹話一定要撐落去：「早就知道企出嚟必定會令其他人唔高興，更會誣衊我無中生有，不過清者自清，我相信鹹濕脫星唔敢認都好，以後行為都會有所檢點，唔會再亂搞姊妹！」講到尾Kendra Banx始終都唔肯公開鹹濕脫星姓甚名誰，但可以肯定係當事人只會搞同性，假如佢搞男優就唔會有咁嘅事發生啦！
出生日期：1989年4月28日
三圍：36C-26-33
身高：5呎8吋
撰文：祖