一位珠海骨場經理同我爆料，佢話原來不少骨友揼完就喺房度瞓，搞到連太空艙都爆滿，為咗令人客「自動消失」，骨場故意誤響警鐘，人客未至於落荒而逃，但一樣急急腳換衫走人。經理話：「老闆落柯打，話打響個鐘，再同啲客講係警鐘故障，煩到啲人客自己走為止！清場後就熄番個掣，跟住又可以再做生意！咁樣響一響，個場『吉』番七八成，啲囡囡又搵到錢，經理侍應又有貼士，響多幾次都冇所謂啦！」
骨場經理話假期間連續響咗三日，啲客一樣懵盛盛，直到事後上討論區，至發現被搵笨，不過都冇辦法，內地骨場從來唔在乎商譽，既然錢已袋袋平安，就算日後生意唔掂，改個名又可以東山再起，玩家惟有當教訓！
撰文：大軍