近年不少朋友北上尋歡，都喜歡透過互聯網去搵囡囡，呢種方法特別深受年輕人嘅歡迎，因為喺網上兜搭，成功約出，滿足感會大增，期間又睇過視頻，初步相信唔會受騙，所以就算風險極高，而且肉金比巿價貴，佢哋仍然趨之若鶩。
但凡事總有例外，最近喺成都法院，就將一個活躍咗三年嘅網上賣淫集團瓦解，由主腦到司機一共十七人，全部判以組織賣淫罪，監禁18至21個月。當法院判決後，當地記者十分神勇，攞到相關資料，將呢個網上賣淫集團嘅內幕公諸於世，喜歡網上搵囡囡嘅朋友，真係要留意，引以為鑑。呢個集團嘅幕後負責男子，起初只喺成都活動，後來發展愈嚟愈大，仲將地盤擴展至上海、杭州等地方。負責人喺成都請咗一批年輕男女做「盤手」，負責扯皮條工作，主要喺網上交友區向上海、杭州兩地嘅男士埋手，游說佢哋進行性交易，期間所有照片同視頻都係假嘅，如果網友答允進行交易，「盤手」就會致電該區嘅負責人，告之交易嘅細節。
該區負責人就會派「車手」接送宿舍內嘅囡囡前往指定地方，更會照柯打先收取肉金，客人畀錢後，囡囡至會入房服務，完事後就會接回宿舍。若然客人發現貨不對辦，「車手」就會出言恐嚇，其實集團手上嘅囡囡，多數樣子不錯，客人大多會乖乖哋收貨。而據資料顯示，囡囡每次出鐘，最低都收二百蚊肉金，最高不設上限，而囡囡就可以得肉金嘅一半，以二百蚊為例，囡囡得一百蚊，而車手和盤手各分得二十蚊，另該區負責人亦可分得三十蚊，餘下嘅錢就歸大老闆。據講單係盤手一個月就賺成萬蚊，當然有時盤手開價會高好多，據網友講佢哋好多時會開三百至五百短聚，另外，過夜就八百至一千，但一樣大有捧場客，家陣呢個集團被瓦解，據網友講只係冰山一角，仲有不知幾多網上賣淫集團存在。
由於肉金愈叫得高，佢哋分得愈多，所以「盤手」要好識得網友嘅心理，如果發現對方係初哥嘅，就會扮晒自己係第一次或者等錢應急，總之藉口多多，務求爭取更高嘅肉金，而「車手」就會照單收錢，有時客人詐型，就要佢哋嚟處理，一般以恐嚇手法搞掂。一啲網友幫襯，只會不斷被屈被騙，認真要三思呀！
撰文：小德