香港有一樓一，內地原來都有，但就係睇吓你夠唔夠膽去！老友由於工作關係，長期居於內地。一支公喺外地，性需要梗係要處理，而喺一次偶然嘅機會下，佢得知喺工作間廠嘅附近有幢民居，有班囡囡喺度做生意，仲吸引咗唔少玩家幫襯，好奇嘅佢決定去睇吓。
當佢去到嗰幢民居後，發覺有唔少內地玩家喺度洗樓，而喺每層嘅走廊度，仲企咗十幾個囡囡喺度。內地玩家睇啱後，就馬上入房曳曳。老友就奇怪，嗰幢樓得嗰六七個單位，點可能招呼到咁多囡囡呢？
囡囡就同老友講，原來當有客後，就會輪流使用單位。囡囡仲話，玩家只要畀五十人仔，就可以玩九個字喎！老友聽後，第一時間反應唔係覺得平，而係擔心衞生問題。試諗吓，張床有咁多人瞓過之餘，仲唔知幾時會換床單，真係乾淨極有限。最後，老友都冇入閘，直接去桑拿玩，起碼都有信心保證吖！
撰文：大軍