提到讀書，相信大家都唔會有好印象，因為冇幾多人嘅興趣係讀書，既然唔係興趣，日日要讀書就梗係辛苦過擔泥啦！而且，「輸輸」聲，真係唔多老利！不過，有云書中自有黃金屋，讀書叻自然易搵工，而且仲要係舒舒服服嘅寫字樓工！甚至可以成為犯罪後減輕刑責嘅理由，大家睇下某法官個姪女就知學歷高有幾着數啦！另一方面，又有云書中自有顏如玉，學歷高搵錢多，自然有好多女仔欣賞啦，仲邊使愁身邊冇女人呢！然而，如果去到美國芝加哥，大家就會發現書中自有溫香軟「肉」添！當地有一個由美艷女性組成嘅團體，名為「Naked Reading Girls」，即係裸體閱讀女郎！自2009年3月成立開始，佢哋會定期於一個錄音室開騷，表演嘅正係全裸講書！見到班靚女赤裸裸咁讀書畀你聽，相信你幾咁討厭書本，亦一樣聽出耳油，聽到唔夠喉！