四仔你同我都睇唔少，有冇諗過何解新舊脫星上場都咁好技術呢？原來美國色情工業有一套四仔訓練方法，教授男女脫星如何飾演床上淫娃滿足觀眾。最近呢個訓練班更變成四仔，好讓大家一窺新脫星受訓過程，一家便宜兩家着！
鏡頭前脫星呻吟拗腰，床上性技非一般人所及，其實佢哋非特技出身，相反年輕貌美，點解會有咁高超性技呢？有指美國多年前已成立四仔訓練班，每位受聘嘅職業脫星入職前，都要接受為期兩星期訓練，學員必須全數出席兼通過考試至可畢業，成為受公會承認嘅職業脫星，否則就好似一眾網上脫星，大小事都要靠自己解決。
直至今年開始，有四仔公司就將只有行內人至知嘅四仔訓練班公諸於世，變成四仔訓練營，將一眾準新人掟去戶外受訓，陽光海灘加索女，成件事爽晒！
四仔訓練營訓練跟足過往嘅性愛訓練，大致分三個環節，包括自身鍛煉，即係自摸表演，由於坊間自摸只需達至快感便可，但脫星自摸則要滿足觀眾視覺享受，節奏太快太慢或動作太假都唔合格，而訓練班就會利用性玩具教授自摸技巧。掌握咗基本自娛玩法後，自然要同對手合作。目前男女四仔依然係主流，因此訓練營會以傳統男女床上交合，提出指定動作及時間。訓練男女脫星耐力及時間觀念，而過程細節亦不能忽略，當中觀眾最鍾意欣賞嘅口舌服務，有脫星表示非常困難，理由係要令男優舒服兼要遷就鏡頭，更要表現享受，並非觀眾所想咁簡單。新進脫星Angela解釋：「性事可以好簡單，亦可以好艱難，一部短短嘅床戲，每一個細節都經過百次訓練，當中我認為波哋最難控制，既要令男優享受，自己亦要保持優美體態，未試過肯定唔會明白！」
脫星要經過艱苦嘅訓練至可上床演戲，奈何坊間觀眾每每快鏡欣賞，真係得啖笑。不過四仔訓練營系列各位肯定會細心欣賞，皆因整部作品並非追求完美，相反有不少未經剪接嘅蝦碌鏡頭，男優發老脾、脫星被導演鬧到喊甚至性愛意外周時出現，至於網民最鍾意睇嘅竟然係囡囡互磨訓練，表面上大家好有默契，搞到七情上面，實情私底下脫星間冇面畀，雖然未至於出手，但針鋒相對都夠抵死！
脫星日日有，影迷又捧場，因此呢個系列可謂長拍長有，玩完一批脫星後，仲拍埋畢業禮，嚟個荒淫派對，公司錢都唔使跌就捧起埋脫星，真係賺到盡喎！
撰文：祖