今日介紹一位上海姑娘畀大家認識，佢叫做徐茜兒，英文名叫做Cissy，做咗模特兒都有一段日子，所以網上都有唔少佢嘅靚相流傳，但咪以為Cissy係一般時下貪慕虛榮、一心發明星夢嘅囡囡，原來佢已經有份固定工作，而且仲係喺大公司出任高級行政人員，但點解Cissy又會做模特兒呢？原來模特兒只係佢嘅業餘興趣。
喺大學時就已經做網模嘅Cissy，由於人靚身材好，所以喺龍友界十分有名，於是一直以玩票性質擔任模特兒工作，期間拍過唔少雜誌同廣告照片，畢業後曾放棄過一段時間專心工作，但當工作穩定後，又蠢蠢欲動，最後重披戰衣繼續水銀燈下嘅生活。只因佢有份依依不捨嘅情懷，我哋至可以睇到咁多靚相，而且隨着Cissy嘅成熟，性感度更大大提高，家陣粉絲不少，更加唔會退下火線。
網址：http://www.moko.cc/xuyang/
撰文：小德