落酒吧飲酒，好多時都會遇到啤酒女郎行埋嚟，向酒客大拋媚眼，氹客人大手購入佢哋嘅啤酒。情況於內地亦一樣，不過唔少酒水女郎唔單只賣酒，仲會出賣自己添！
為咗促銷啤酒，好多啤酒品牌都會聘請美艷少女做啤酒女郎，去到酒吧、食店，甚至係大牌檔推銷，相信各位兄弟都欣賞過唔少，飲過佢哋嘅啤酒，食過佢哋嘅豆腐添！而呢類啤酒女郎於內地夜店同食店，亦一樣有大把。早兩年小弟到內地各省市嘅食店，我強調係食店！食飯嘅時候，亦見到啤酒女郎出現，呢班啤酒女郎可能都係來自北方地區，所以又高又大，以短裙出現嘅時候，對甲組腳不藏而露，當真大殺風景，叫我如何飲得暢快呢？令一直嗜酒如命嘅我都要突然戒酒，轉飲汽水！然而，近年嘅啤酒女郎就好好多喇！又靚又識打扮，叫聲仲要咁溫柔，唔畀佢嗲到叫一兩打啤酒都唔得啦！據了解，近期夜店推銷酒水嘅女郎就更加活躍，事關要搵錢返鄉下過年嘛！亦因為咁，唔少酒水女郎都會特別搏命，除咗落力賣酒，更唔介意畀客人抽水，甚至同客人作「深入了解」！
為咗吸引客人嘅目光，令佢哋更加樂意幫襯，好多酒水女郎都會作特別性感嘅打扮，短到幾乎連底褲都露埋嘅短裙當然必備，而上衣亦要零舍低胸，方便向客人作出深溝誘惑。因為每次客人幫襯買酒，女郎嘅指定動作除咗講多謝，仲要將客人嘅酒杯斟滿，件衫夠低胸，彎身斟酒自然展現出令男人為之迷醉嘅深溝。而為咗能夠再次欣賞到呢個美麗景色，客人自然會多幫襯幾次喇！據消息指出，寶安區嘅夜店，入面嘅酒水女郎特別開放，暴露嬌美胴體已經係小事一樁，原因係佢哋經常都會主動勾搭客人。事實上，以賣啤酒為例，每賣一支，酒水女郎可能只係收到一至兩蚊提成，或者更低都有可能，如果想搵大錢過年都唔係容易！而為咗增加收入，就會出賣自己，見到有客人對自己眼甘甘，就會主動上前同客人講：「我就嚟收工喇！你接唔接我放工呢？」
見到酒水女郎咁索，加上酒精催化，好多客人都抵受唔住誘惑而決定接女收工。但係，睇到佢拎住個手袋同客人出街，好多人都會覺得好奇怪，奇怪在於酒水女郎依然着住套制服鬆人，唔係話收工嘅咩？一晚流流長，你估酒水女郎淨係畀一個客人接收工咩！二人拖住手出街，女郎就會帶客人去附近嘅賓館開房，而事前就會話自己偷雞走嚟會畀老細罰錢，因而向客人要求適量金錢，客人呢個時候都應該知道，女郎嘅真正身份同夜總會囡囡冇幾多分別，不過家陣如箭在弦不得不發，只要價位合理都一樣照畀啦！但係，女郎嘅服務據講唔會太仔細，匆匆忙忙沖涼就上床解決，前前後後最多都係半個鐘，事關女郎又要再返夜店搵生意！
撰文：賢