做脫星當然要有自信，否則難以面對觀眾，更何況要靠副架生搵食呢？而脫星Candle Boxxx入行初時被人話佢自信心爆棚，可惜原來只屬錯覺。據當事人解釋，拍第十一部性戲依然餚底，出街仲怕畀人指指點點。咁阿妹你點做脫星呀？
呢個年代做脫星好閒，閒到隨時走去自薦，希望一步登天，若然唔得，出嚟做番個平常人亦無不可！但對Candle Boxxx嚟講，阿妹原來幾經內心掙扎，拖足三年至敢踏入四仔公司門口。佢話：「一般人以為做脫星隆個胸，改個藝名就搞掂，實情背後要背負好多問題，例如家庭壓力、朋友及男友，一切同人有關嘅接觸，佢哋嘅感受都要兼顧，通常脫星會選擇乜都唔理，只要搵到錢就可以，但問題係搵到食嘅人實在唔多，為咗一時衝動，犧牲實在太大喇！」Candle Boxxx要計算咁多嘢，難怪搞足多年至成為脫星啦！
既然Candle Boxxx入得行，換句講即係諗通晒啦！而留意佢嘅表現，拍寫真挺胸收腹、神態自若，收放自如，理應諗清諗楚，不過早前阿妹被外界認為佢心有餘而力不足，床戲似交行貨，動作絲絲縮縮唔知想點？Candle Boxxx解釋：「事實我係死撐，大家以為我拍寫真狀態良好，心底其實不知幾驚，第一怕外界反應唔好，又擔心被身邊人唱，至於四仔就更惡搞，既要顧及表現又要滿足對手。我發現四仔界唔適合我！」嘩！諗咗咁耐，連床戲都拍咗超過十套，家陣至話唔啱玩，與其咁辛苦，不如提早離開，免得將來後悔啦？「雖然唔適合，但始終要開飯，況且我嘅人氣不斷上升，有一班影迷支持，既然我再假都有人睇，幾大都捱住先啦！」
出生日期：1983年5月21日
三圍：34C-24-34
身高：5呎6吋
撰文：祖