早前嗰單爆機密爆到被人拉，劇情精彩過電影，而更有趣嘅係美國脫星Dylan Ryder都唔執輸，公然大爆四仔界機密，阿妹不但冇被人通緝，反而有班姊妹撐，死未！
維基解密單單料都咁爆，搞到細佬當劇集咁追睇，而同一時間，美國脫星界嘅Dylan Ryder自爆大鑊，將各大脫星鮮為人知嘅秘聞醜聞公諸於世，但衰妹就表明要賺錢，想睇堅料麻煩先成為收費會員。咁識發財，抵你起朵嘅！Dylan Ryder話：「脫星界有咁多人，台前幕後關係錯綜複雜，各界都想知道脫星背後嘅一面，而我作為多年嘅脫星，對行內大小消息知得一清二楚，我肯爆料大把人信啦！」我冇話唔相信你，不如漏些少秘聞嚟聽吓呢？但阿妹就唔肯指名道姓，只係話：「大家最關心正係偶像三圍數字同私下性生活，我可以話畀大家知，做得脫星私生活一定要淫，地位愈高就愈淫，咁至可以企穩四仔界！」
剛才Dylan Ryder講過三圍係最多四仔迷想知嘅，但阿妹似乎冇提及過噃！莫非怕畀姊妹群起杯葛？「傻豬，現今每一個脫星都隆胸，差在大細問題，既然係指定動作，又何需怕姊妹圍攻呢？不過部分脫星因初入行冇乜錢執靚對咪咪，求其搵啲黃綠醫生搞掂，結果搞到大細咪、咪咪移位、被男優用力過度搓爆、甚至整到塌晒都時有出現，當事人梗係唔想畀外界知道，惟有消失一段時間去執靚佢，可惜紙包唔住火，畀我知道真係唔好彩喇！至於姊妹之所以咁撐我，無非係怕我會爆佢哋，所以唔敢得罪我呀！」阿妹死口唔講邊個玩到爆咪，都係嗰句，只係話想知內幕堅料，就要留意佢最新消息喎！
出生日期：1982年2月23日
三圍：36DD-26-36
身高：5呎9吋
撰文：祖