男人一見到索女，就會雙眼噴火，心裏面仲瞬間充滿慾火！不過，大家又唔好以為呢家嘢係男人嘅專利，因為女人都可以好有火！就好似英國嘅燃料女郎（Fuel Girls）咁，啲火就多到要噴出嚟喇！
一有大型場合，為咗滿足觀眾嘅視覺所需，好多時都要搵名人明星上嚟表演一下，或唱歌跳舞，或講吓觀眾唔覺得好笑嘅棟篤笑。當然，如果喺內地，好多時更加會出動到艷舞女郎，除咗大跳誘惑鋼管舞，仲會連脫衣舞都跳埋添！做法於英國亦有相同之處，因為當地有唔少大型活動，主要目標都係男人，梗係要搵班索女嚟表演助興啦！火辣到爆晒燈嘅燃料女郎（Fuel Girls）就因而出現喇！
呢班燃料女郎之所以有呢個名，其實係因為佢哋被發掘成為表演團體嘅時候，主要目的就係去到賽車大會表演，汽車要有燃料先至可以撻着副偈，而大會有咗一班燃料女郎嘅靚偈，可以令現場氣氛燃燒起嚟，所以咪叫做燃料女郎囉！
呢班囡囡個個都生得靚一靚，身材亦係模特兒級，有前有後，仲有條水蛇腰，出場表演嘅時候，通常都會以性感形象見人，而且仲會大跳艷舞，扭身扭勢，場面極為誘人。然而，呢班囡囡除咗活力十足、火辣非常之外，仲相當豪放。上台表演不時都會變埋無上裝，豪乳坦蕩蕩。不過，咁都未算！燃料女郎除咗跳舞，仲有好多高難度兼夾危險嘅演出，例如玩電鋸、空中飛人、三層樓咁高嘅鋼管舞等等，實行以狂野表演辣着觀眾。但係，燃料女郎最叻嘅都係玩火，指定表演正係玩噴火，一系列火棒拋接雜技，甚至係火棒打屁股亦一應俱全，真係睇到觀眾都噴埋火呀！
由於燃料女郎嘅表演實在太精彩，所以後來發展到唔只出席賽車大會，好多場合例如紋身展覽、成人娛樂展、酒吧活動等等都可以發現佢哋噴出嘅火燄。
另外，燃料女郎掘金亦有一手，除咗將演出製成DVD出售之外，更加出埋精品，好似T恤、背心同底褲都有，真係好有生意頭腦架！不過，要成為燃料女郎其中一員，其實絕不容易，首先，一定要識跳舞，事關唔跳舞根本就唔可以表演。另外，樣要靚，身材亦要高挑，同時上圍千祈唔好有僭建物。因為表演嘅時候需要女郎瞓晒身，又擒高又擒低，仲要玩胸壓擠胸，如果真係僭建過，容乜易玩到即時爆波呢！雖然呢個爆波表演係好有睇頭，但係再造手術費用邊個負責呢？而要求仲有一個好特別嘅一條，就係要性態度開放，至於點解有咁嘅要求呢……大家心照啦！你估淨係表演就可以搵到盤滿缽滿咩！
撰文：賢