美元持續弱勢，搞到港元都受拖累，如果出國旅行就陰功喇！因為港元同好多國家嘅貨幣兌換率滑落，去日本、澳洲等地，港紙都唔見使。當然，返內地港元亦一樣要打個八五折，不過內地旅行團較平，飲飲食食使費都較低，所以依然抵玩！
就好似桂林咁，所謂桂林山水甲天下，環境之美絕對令人油然神往。不過，原來桂林唔單只山水靚，鋼管舞亦一樣好好睇！早前，內地網友沉魚雁居去到桂林遊玩，於麗江、陽朔等地又飲又食，始知道當地嘅夜生活亦相當多姿多采！更加發現一間特色酒吧，兼夾欣賞到精彩又香艷嘅鋼管舞。大家只要Click上佢個Blog就可以感受到當晚嘅精彩表演喇！
撰文：賢