鳳樓、樓上骨喺內地日漸興起，跑得三四年，稍為累積到經驗，手頭上有十數位熟客，呢一代嘅囡囡都會選擇自己開檔。一位前夜總會囡囡對大軍講：「做夜場晚晚醉，好辛苦，第二日個人散晒，又傷身，你睇我個樣似三十幾，實際得廿三歲，再咁捱多兩年，我怕命都冇。」囡囡為免將來生不如死，決定喺東莞自己租住宅經營鳳竇，錢雖然搵少咗，但人開心咗！
至於早已開檔搵食嘅各路鳳姐，就為咗拓展生計不斷增值，最常見嘅係撈過界，明明係女嘅就做埋骨妹，幫人客鬆骨，部分就學埋針灸、拔罐，半賣半送，有冇效我大軍未試過唔敢亂講，但早前認識幾位鳳姐就用鳳竇幫人客出火之餘，仲做埋美容生意，收入算係不過不失！當中一位較年輕嘅美容鳳向我解釋：「呢一輩嘅內地玩家已接受到鳳樓搵食，有啲更討厭入骨場公式開餐，反而我呢啲小本個體戶經營仲吸引到佢哋，上嚟出個火、做吓面部美容，事後大家傾吓偈，都不知幾爽。」
撰文：大軍