大炳最近去西鄉探訪朋友，中午去佢屋企食飯，點知食完飯下晝兩點幾，竟聽到樓上傳嚟急促嘅呻吟聲，問朋友啲街坊係咪喜歡喺中午溫馨？友人一笑，話樓上搬嚟咗三個囡囡，喺小區內美其名提供按摩服務，實際從事賣淫嘅勾當。
大炳之後借啲意話有事，從朋友屋企匆匆離開，實際乘機更上一層樓，上到去發現門口並無特別之處，普通人一定唔知裏面別有洞天，於是膽粗粗按門鐘，開門嘅係個廿五六歲嘅靚女，紮條馬尾，身穿小背心熱褲，唔算特別性感。大炳講述當時情況：「佢問我做乜嘢？我頭腦一轉，就話聽朋友講，呢度有得按摩，囡囡一聽見我話嚟按摩，就即時拉咗我入去，裏面有兩個囡囡坐咗喺大廳睇緊電視，都係好後生，係90後嘅囡囡！」
大炳話：「之後我就問乜嘢收費，開門畀我嘅囡囡就話按摩一小時八十蚊，兩小時只收百二，我問佢只做按摩嗎？佢話你想玩乜都冇問題，有冇興趣搵埋兩個妹妹一齊玩吖？我即時話只係隨口問吓，真係只嚟按摩。由於開門畀我嘅比較啱傾，於是就搵佢嚟按摩。」
喺按摩期間打探到原來三個囡囡都係骨場認識嘅姊妹花，由於呢年裏面，成日畀人查牌掃蕩，所以收入大減，惟有出嚟自立門戶。囡囡話佢哋只做按摩，都搵到兩餐，所以唔使成日賣身，但如果遇到熟客或者客人要求，佢哋亦唔介意將褲子一鬆，每次收費三百人仔，囡囡話佢哋每日可以做到成千蚊生意，扣埋租金同伙食，每人每月有成萬幾兩萬蚊收入，但工作量就比以前輕鬆好多，日做兩三個客就夠！
咁又係，以前做骨場，一日要做五六個客，至有咁嘅收入，而且擔擔抬抬，十八般武藝都要用齊，真係幾辛苦吓，但家陣佢哋係按摩師，睇情況至偷雞同客人開心吓，小費照畀，但要求唔會太高，相比下唔使咁辛苦，難怪佢哋都唔打算返去做骨女啦！
佢哋主要係靠熟客介紹，所以唔會做宣傳，對於新客會好審慎，唔會隨便開門，就算開門畀你入嚟，都只會提供按摩服務，至於想有下文，就要睇囡囡反應，覺得你老實大方嘅，咪同你玩囉！如果你形迹可疑，咁佢哋就唔會騷你，所以有朋友會無功而回，亦因為咁樣，所以喺小區內冇乜人會知道，除咗樓上樓下嘅街坊。
撰文：小德