有人以為玩模型，唔係得軍事就係機械人，其實模型種類有好多，好似前凸後趷嘅人物模型，就係我嘅至愛嘞！講到呢排最期待嘅手辦模型，就係呢個嚟自人氣電玩《Shining Wind》（港譯：光明之風）其中一個人物，名為捷克蒂嘅疾風戰鬥妖精。模型同原作嘅神似度相當高，激凸嘅上圍加埋貼身胸圍，感覺更加呼之欲出之餘，身體嘅比例亦控制得相當好，一啲都冇誇張嘅感覺，尤其係一對修長美腿，配合埋一條迷你百褶裙，感覺更養眼，絕對係唔能夠唔帶番屋企嘅佳作！
全 高：約220mm
發售日期：2011年3月（預定）
撰文：祖