如果成功結識到一位有學識嘅女仔，同佢拍拖嘅時候幾大都要同佢講，自己經常都有去劇院欣賞文藝節目，以提高自己嘅形象！不過，事實上，去劇院又係咪真係咁高檔呢？又未必！好似內地咁，就有文化劇院搖身一變，成為艷舞場地喇！
喺內地安徽滁州，一間文化藝術劇院外牆嘅廣告版上面，突然出現大量露骨海報，張張都整到同一般夜總會廣告一樣，上面印有大量火辣造型嘅囡囡，露肉嘅部分比起有着衫嘅部分更多，總之一望就令男人充滿遐想。有人經過劇院，見到咁露骨嘅海報，於是就去問一下劇院嘅職員，點知職員義正詞嚴咁話，表演絕對正規，唔存在任何色情同暴力元素喎！到底又係甚麼一回事呢？
雖然劇院嘅職員把口係咁講，不過有人就質疑，如果冇香艷表演，又點會擺出咁火辣咁露骨嘅宣傳海報呢？唔通中樂表演或者文藝舞蹈，都係有艷女登場助興咩？到入夜之後，謎底漸漸揭開喇！因為唔少人收工嘅時候，經過劇院就見到人頭湧湧，入去嘅都係麻甩佬，個個都笑吟吟添！另外，門口仲有一位身穿透視薄紗裙嘅濃妝艷女派傳單，派發嘅時候，亦不時向麻甩佬拋媚眼，甚至拉手拉腳大送秋波。而睇番張傳單，上面寫住「驚艷凹凸，性感女郎」演唱會，最吊詭嘅語句仲有「不要猶豫，今晚你想看的都能看得到」，即係話呢場性感女郎演唱會，唔單只有美女出場，而且仲會有特別表演，充分滿足男人嘅視覺神經啦！
由於意識到劇院有咁特別嘅表演，有人就膽粗粗買飛入場欣賞。果然，發現表演嘅環節大部分都以艷舞為主，舞台上先出現多名披上大褸嘅女子，然後跟隨音樂節拍扭動身體，再將大褸一剝一拋，驕人身材露出一半，因為身上仲有套三點式，跟住一邊跳舞一邊自我撫摸，期間仲發出一陣又一陣嘅鶯鶯淫叫。另外，除咗三點式艷舞，仲有軟體女郎換上火辣制服，表演令人嘖嘖稱奇嘅軟體功。由於動作誇張，所以制服成日都會移位，繼而走光，令表演添多幾分香艷！一張門票大概可以欣賞到一個多鐘頭嘅表演，當散場之後，各位男士都應該熱血沸騰，好想搵地方發洩谷晒出嚟嘅精力同慾火。而佢哋一出門口，就可以見到好多打扮妖艷嘅囡囡列隊歡迎。因為，班企街囡囡一早收到風，知道劇院有艷舞睇，所以特登等到散場嚟拉客，令生意額上升。
撰文：賢