哈，有傳一啲女藝人有飯局價，但問過十個，當事人必然例牌否認。咁又係，唔通擘大髀話你知有做過咩？嗱，講到誠實呢樣美德，就要向佢學習，好似脫星Rebecca Linares咁，阿妹開口埋口都歡迎問價，乾淨定污糟完全冇問題，最緊要係有錢落袋啫！
查實一日三餐，肚餓自然要食飯，女星陪老細食飯有乜咁可怕喎？又唔係咁講呀，畀外界知道你陪食，咪即係話畀人聽自己陪瞓，瞓都唔重要，最弊係知道你嘅底價，太Cheap就羞家啦！相反，脫星呢方面實際好多，既然係人都清楚自己係靠剝衫上床搵食，假如有老細想食「私房菜」，傾啱價咪入閘囉！學脫星Rebecca Linares咁，阿妹一出道就講明歡迎問價，甚至不介意公開自己一萬美元底價，雖然目前為止未知有幾多富豪試過，但明買明賣，總好過收收埋埋，而當事人亦話：「入得呢行就要上床，男優同人客都係男人，既然有人賞識，點解有錢唔搵呢？」講得好，幾時都係搵銀至上，講咁多道德做乜呢？
Rebecca Linares唔止得把口，更會付諸行動，年頭時阿妹就自爆被一位富二代包足兩個月，阿妹仲話過程相當愉快，令佢體驗到何謂上等人生活喎！佢話：「短短六十日內令我明白到，超級富豪過嘅生活，係我無論點勤力，生活點節儉都慳唔到，我粗略計算過，一日內單係吃喝玩樂，所消費嘅經已係一般打工仔十年年薪，嗰種使錢方式令人妒忌又驚懼，不過我鍾意呢種超級虛榮嘅感覺！」為咗搵得多啲，Rebecca Linares不但等客包，而且仲會主動送上門，希望有心人可以睇中佢，玩番一晚半晚，話唔定往後嘅生活可以唔使憂添，Rebecca Linares話：「四仔畀你做得再好都係一名脫星，搵錢多極有限，要跳出框框，就一定要靠班老細射住，因此討厭人哋有飯局或認為飯局係臭錢嘅，通常係冇人請食飯嗰班人。」阿妹嘅言論絕不介意辣同行姊妹，反而認為有助激發大家多啲搵食，各位姊妹收到未呀？
出生日期：1983年6月13日
三圍：34D-25-34
身高：5呎4吋
撰文：祖