鴻雙喜：小弟今年三十歲，由於老婆大肚，於是同朋友個個星期都上長安玩，仲識咗個靚女部長，點知最近呢個靚女部長，竟同我講自己都大咗肚，請問點算好呢？
默娜輪：咁恭喜你一年抱兩，生兩個白兔仔，如果兩位嫂夫人，同你生得一男一女，仲可以湊到個好字，真係好意頭，所以古人講得好啱，早知今日，又何必當初呢？
塵智暈：長安女部長個肚，計我話打死都唔好認，再唔掂咪玩消失囉！唔通佢大住個肚落嚟搵你認帳咩！呢啲事如果畀阿嫂知道，隨時家變都似，所以咪逞英雄呀！
笨占：又會咁唔小心，安全措施都唔用，家陣搞出個大頭佛，仲怪得邊個，計我話如果可以用錢解決到嘅，咪用錢解決囉！破財消災，總好過做個不負責嘅男人吖！