今年喺廣州舉行嘅性文化節，由於收唔到風話有日本AV女優到場，於是冇上去做訪問。但發覺今年冇上都唔係乜嘢損失，因為除咗啲展品熟口熟面之外，幾個最大嘅參展商，都冇搵啲重量級靚女嚟壓陣，所以真係冇乜睇頭，唯一就係內衣參展商，佢哋搵嚟幾位外國年輕模特兒嚟走騷，佢哋儀態萬千，確實令觀眾大吃冰淇淋，連帶一眾內地模特兒，亦豁出去，唔戴面罩以真面目示人，真係一大進步。
撰文：小德