泰瀛地帶：着橙色衫行運

刮王早兩日去過曼谷一間夜總會探班，見到場內好多女仔都着上橙色衫褲，睇落又幾吸引，但係做乜成場嘅小姐都變晒橙人呢？原來係有段古。話說呢間場以前有一位小姐來自南部，因為本身唔多靚，所以入行嘅時候，好多人都話唔會有客人幫襯，但係事實唔係咁，聽聞呢位小姐後來得到高人指點，佢返親工都着橙色衫，之後嗰三年佢就成為咗呢間場嘅大紅人，更傳佢喺短短日子入面搵咗一大筆，後來返去家鄉生活，之後就冇人再搵到佢。

後來呢間場入面就流傳咗橙色衫可以帶來好運嘅講法，所以每隔一段日子，間場嘅小姐都會着上橙色衫沖喜吓。雖然聽落好荒謬，但係唔緊要喎，因為小姐着上咁鮮色嘅衫之後，好多客人都大讚好睇，既然可以吸引到客人，咁又使乜理佢係唔係迷信，總之可以吸引到客人嚟玩就得啦。

撰文：刮王