宅男向來畀人嘅感覺，就係只識得匿喺屋企，對外面世界嘅事不聞不問。不過係男人都有性慾，日本新宿就有間風俗店，為咗等呢班宅男可以一親女兒香，成立咗個「宅男援助會」，不但派出索爆風俗孃上門提供情慾服務，仲話會畀到佢哋回味不已嘅激戰添！
呢間出張風俗店，向來主打後生索女，每當收到玩家柯打，就會派出索女上門提供服務。風俗店嘅負責人話有感日本嘅宅男愈嚟愈多，又唔識得點樣同女性溝通，為咗可以擺脫青頭仔之名，同充實地過性生活，於是成立咗個「宅男援助會」，等佢哋可以體驗美妙嘅床笫之樂。要打開呢班宅男嘅心扉，所提供嘅風俗孃唔單止夠索，性格仲要溫柔體貼，咁先至可以脗合到呢班宅男嘅口味！
另一方面，為咗可以同宅男間有共同嘅話題，佢哋喺提供服務前，都要先經過一系列嘅訓練，譬如要熟知宅男愛睇嘅輕小說、電玩同動漫，喺同宅男嘅相處時，能夠有話題可講，既唔會有悶場，又可以拉近彼此嘅關係，可謂用心良苦。宅男如果想享受呢班援助會索女嘅服務，只需要去到呢間風俗店嘅網頁，揀選心水嘅風俗孃，跟住再約定時間，到時就會有風俗孃上門提供情慾服務。如果宅男想玩得更加開心嘅話，仲可以揀選埋心水嘅制服，當中包括水手服、泳衣、卡通衫等，讓風俗孃着住件衫嚟曳曳，感覺零舍過癮！
有曾經享受過援助會靚女服務嘅玩家表示，呢啲風俗孃除咗夠晒細心外，最令佢印象難忘嘅，就係佢哋對時下宅男鍾意睇嘅動漫同電玩都相當熟悉，既畀到佢親切感，又可克服同異性相處時，所帶嚟嘅尷尬同不安。此外，呢班風俗孃嘅床技亦相當厲害，好似從來唔敢喺女性面前表現出亢奮一面嘅佢，喺對方嘅舌技下，都忍唔住行升旗禮。雖然呢種服務如此貼心，但係收費一啲都唔平，每六十分鐘嘅服務，就要成三萬日圓，折合約為二千八百多港元，相信呢個價錢，唔係每個宅男都捨得玩。
撰文：阿豪