唔少女性每當月經快到，就會出現經痛毛病，痛到飯都食唔落，要食止痛藥先頂得順，但又擔心日日食藥會產生不良反應。而坊間流傳喺經期前跟男伴激烈做愛一、兩次，做完之後會冇咁痛，話喺劇烈交歡時，小腹至陰道的痙攣情況減少所致，但並無醫學根據。
不過，近代有醫學研究報告指出，經痛問題與缺乏維他命D有關（鈣亦須補充），可嘗試酸奶加焦糖，又或者加薑熱飲。最重要係保暖，避免冷親小肚位，同時唔好喺經期歎凍飲、食凍嘢都係辦法之一。如果能夠飲酒，建議飲番少少紅酒，亦有助緩解經痛，切記唔好飲得過量，否則就會衍生另一個問題。
撰文：娟娟