我哋中國人對於養生一向好有研究，有所謂藥補不如食補，所以經常用藥膳醫肚兼調理身體，連飲茶亦有養生功用，好似菊花茶就清熱解毒，參茶就醒神補氣，玫瑰花茶除咗寧神，據講仲有催情作用添！最近我聽見朋友B講過，內地唔少桑拿場將飲茶養生文化發揮到極致。早前，朋友B就去到塘廈一間桑拿場玩樂，當晚佢揀完技師以及無限放題服務之後，就即刻上房準備打場硬仗！頭一段，於浴室大玩鴛鴦浴先下一城。當朋友B上床回氣之際，就見到技師拎咗三杯茶入嚟，分別係參茶、紅棗茶以及濃郁嘅鐵觀音。朋友B細問之下，先知道呢三杯茶原來各有用處，品茗亦要講次序！第一杯要飲參茶，因為第一次完事後要提氣，方便第二次戰役。然後再飲紅棗茶，因為紅棗茶含有豐富糖分，飲完可以快速補充能量迎接第三回合。最後就係飲濃郁嘅鐵觀音，有咩用呢？用嚟下火，免得客人精力過度，整壞副偈囉！