內地有關部門打擊色情行業嘅行動似乎未有停止，除咗夜總會同骨場之外，就連一樓多鳳都受到波及，生意大受影響，想搵食都冇地方。不過，呢班玩家只要有一絲生存空間，都唔會放過，而的士高就係佢哋嘅新目標。
我大軍最近收到朋友報料，喺深圳部分的士高有唔少鳳姐駐場搵食，佢哋多數會三五成群咁出擊，甚少單獨行動，表面好似係嚟玩嘅客人，但實際上只係靜待獵物出現。以朋友所見，呢班鳳姐嘅質素參差，間中亦會遇到一啲高質嘅囡囡，之不過收費就一啲都唔平，短聚起碼要五百，過夜就要八百。
其實，鳳姐落夜店搵食嘅情況屢見不鮮，但係喺呢幾個月特別猖狂，最大原因係冇地方畀佢哋落腳搵食。對於的士高嚟講，呢班鳳姐嘅存在，未必係一件壞事，事關場內多咗囡囡出現，自然吸引到好多好此道嘅客人，所以大部分的士高嘅負責人都隻眼開隻眼閉，當有人追問呢個情況嘅時候都唔願多提，原因相當簡單，若然講得太多，件事張揚開去，萬一畀有關部門掃一鑊，趕走啲客，咪即係搵自己笨。
撰文：大軍