內地網站報道，湖北一間大學內居然有無牌酒吧經營，兼有囡囡陪坐，若然人客有需要，上房都冇問題！雖然報道冇講到啲女係咪大學生，不過可以想像，內地只有錢搵嘅地方，就有性服務提供，難怪不少小鎮鄉村，淫竇開到成行成市啦！
因傾生意關係，崔翁最近到蘇州見客兼短暫旅遊，而當地朋友就帶佢體驗地道風情。晚飯過後，就由朋友開車直駛小鎮，喺鎮文化中心附近停車。當時崔翁心中納悶，口中埋怨喺呢類小鎮邊有好嘢食之際，朋友就帶路入鄉，左轉右拐後，入到附近嘅小區，抬頭一望，就發現原來係個髮廊區，用「區」嚟形容一啲都冇誇張，事關由街頭到街尾，甚至橫街窄巷，都充斥着大小髮廊，驟眼看估計至少有三十多間。
咁誇張嘅「髮海」喺眼前出現，當堂成個醒神晒，急不及待衝入其中一間髮廊參觀。崔翁表示，每間髮廊面積都好細，髮廊妹坐得逼逼，部分仲匿喺房後面，有人客就走出嚟，不過佢哋嘅共通點都係青春貌美，年齡頂多十八九歲，部分外表睇嚟年紀更小。
之後，當地朋友拉崔翁到另一間髮廊，事關之前雞頭見崔翁係外地人，將肉金開價二百元，原來當地人喺髮廊玩女，只需七十元人仔就有交易，足足貴咗近三倍。走入另一間髮廊，朋友主動出擊同雞頭傾，而崔翁就從後觀看，直至啱心水至上前睇辦。如是者兩人大約走咗五間，崔翁終於搵到心頭好，雞頭即時安排上房，本來對呢種鄉下地方都不存厚望，點知入到房竟然有意外驚喜，房間超大，裝修未算豪華但非常乾淨整齊，一啲臭味都冇，令人客放心，更難得係有冷暖氣設備。
髮廊妹二話不說，已經將身上衫褲脫光，望住對方白滑豐滿身材，崔翁不禁產生反應，即時寬衣同囡囡共浴。完事後，本以為應該起身走人，但囡囡要求人客繼續瞓喺床上，然後作全身按摩，隨着同囡囡對答中，崔翁發現佢嚟自附近農村，亦係蘇杭美女，難怪如此溫柔，兩人最後更交換電話號碼，之後拖住手返落樓下走人。臨走前崔翁更多付五十元貼士醒髮廊妹，不過朋友就認為此舉做壞規矩，事關呢班髮廊妹年頭只收五十元，到近三個月至漲價七十，經已好貴！
現時內地連鄉村地方都有髮廊淫竇，但奉勸唔熟架步嘅就咪亂闖，事關佢哋有便衣保安睇場，擔心執法部門放蛇，所以對生面口人士零舍敏感，若然人客未有雞頭主動迎接或熟人帶路，分分鐘畀人打一身都未見到女呀！
撰文：祖