好多人嘅生日願望，都係希望自己生意興隆，一本萬利，財色兼收，當然，世界和平亦係最常見嘅願望。老實講，世界和平雖然講出嚟係老土，但真係好有意思！大家諗吓喇！世界唔會再打仗，軍費開支就唔再咁大，留低落嚟嘅預算就可以用嚟改善民生，人民生活就好過好多啦！不過，家陣要達到世界和平嘅目的仲差好遠，同志們真係仍需努力喇！或者，應該話各位美貌大學生要繼續努力！點解咁講？因為較早前內地舉行咗世界大學生和平大使選拔賽，選出三名代表到12月舉行嘅世界賽參選！比賽當日，總共有20名佳麗勁歌熱舞，散發一身青春活力！睇完成個人都爽晒！煩惱、憂鬱、怒氣都因為班女大學生而消除！如果佢哋繼續努力，至少令男士們心境平和啦！如果大家想欣賞佢哋嘅比賽實況，就要留意專為報道是次盛事嘅官方博客喇！