家陣社會女強人當道，佢哋交際應酬嘅方法同以前嘅男人好唔同，男人喜歡同客人去會所包間貴賓房，搵大班囡囡嚟尋開心，但女人就喜歡去派對，特別係同性女強人，佢哋喜歡先喺舞池熱身，玩到就搵幾個靚仔舞男嚟瘋狂一番！
至於點解女強人喜歡去派對度交際應酬呢？我哋搵嚟呢方面嘅專家珍納小姐問吓，珍納話：「男人去會所玩，主要就係唔想畀人知道，於是專去一啲有咁秘密得咁秘密嘅會所，然後表面應酬實際齊齊淫亂一番，但女性高層就會好唔同，佢哋最後都係淫亂一番，但就唔會故作神秘，反而大大方方咁選擇喺派對進行應酬活動。」
喺派對裏面淫亂，唔怕畀人知道咩？珍納話：「呢啲專為女性而設嘅瘋狂派對，嚟親玩嘅朋友都明白會發生乜嘢事，自己可以選擇參與或者純屬睇熱鬧，而且比較少要負道德責任，囡囡去玩完，事後好少會畀人指指點點，大家都認為好平常。」
所以女高層之間相約去派對玩，就好似相約去睇騷一樣，唔會咁易畀人詬病。珍納話：「公司要招呼客人，除咗要事前準備好門票之外，還要準備貴賓房，等客人唔使企大廳，同時由於舞男供應緊張，所以除咗大會基本嘅供應之外，仲會搵外援幫手。」
情況就係派專車接客人到場，然後由貴賓通道入場，高層就會喺貴賓房與客人見面交談，之後就相約出外跳舞，當舞男出現引起一片混亂時，一早準備好嘅私家舞男就會出現，客人高興可以就地正法，有啲怕醜嘅就可以返貴賓房再行作戰，事後齊齊離開，一筆生意就咁傾成，真係神不知鬼不覺，夠晒安全。
撰文：小德