脫星拍剝衫寫真正常不過，但早前Alisha King就因為未得公司同意，私下為慈善團體拍咗輯寫真，結果不但搞到被經理人解約，更差啲對簿公堂。可惜阿妹經過教訓都唔識醒，繼續被四仔片商利用，莫非佢真係波大冇腦？
做善事本來冇人會反對，但脫星Alisha King嘅經理人公司同阿妹簽約時就講明，除非當事人被偷拍，否則一切公開露點寫真或四仔，必須在公司同意下方可接拍，向來熱心公益嘅佢，就因為善心爆棚而令自己受害，事後仲連份工都冇埋，但當事人話唔緊要，為慈善一切都值得！講就係，家陣阿妹被公司炒魷，收入頓失，仲未搵到新公司落腳，你都咪話唔心慌！Alisha King話：「查實我都冇犯大錯，純粹為慈善團體拍咗輯露點年曆義賣，所有收益會撥作慈善用途，收入都唔會入我袋，真係唔明白點解公司會咁大反應！」哈，公司唔嬲至奇，家陣踏入年尾，又係各大脫星推出新年年曆搵銀大日子，家吓阿妹你搶咗頭啖湯，公司心機白費，想發財都冇機會，踢你走正常不過啦！
被公司踢走，又冇影迷可憐，星途可謂一片暗淡，但阿妹現正希望利用慈善復出，諗住食舊橋開拍一部慈善四仔，扣除一切有關開支，收益又再歸團體所有，可惜今次就冇咁好彩，一聽到色情四仔，慈善團體即時劃清界線，難怪有人話阿妹真係傻傻哋，你拍寫真都可當藝術，走去拍男女小電影，又磨又捽又呻吟，你叫啲善長仁翁用咩名義幫襯你好呢？好在天無絕人之路，停工兩個多月，阿妹再度「復出」，而今次就替新公司開拍一部野戰四仔，全片要戶外拍攝，對阿妹嚟講一啲難度都冇，但問題係整部四仔零片酬，仲要出席宣傳活動，都唔知話佢蠢得徹底，還是讚佢為人為到底好囉！
出生日期：1986年5月27日
三圍：34D、24、34
身高：5呎6吋
撰文：祖