內地骨場講「豪」講「大」，早前我大軍就被邀請到太平一間新豪華骨場，經理早已喺大堂迎接。入場後，第一時間參觀「貴賓房」。經理解釋：「嚟玩無任歡迎，但盡量唔好提起，事關上頭唔畀搞貴賓房，話費事太過張揚喎！」
對此我覺得奇怪，現時連深圳嘅舊場都要搞改建，有淋浴間嘅貴賓房可算係大勢所趨，當然唔少得大班椅、47吋大電視及貴妃梳化等。不過話時話，呢啲都係虛有其表嘅裝飾，皆因佢哋隔音差到連走廊尾都聽到房中人客搞緊乜，亦有部分連水龍頭都未搞好，一開水就爆出來，用料之差，真係嚇人一跳！
所以我懷疑，經理要求我唔好張揚，或者係基本裝修都未搞妥，免得畀外人投訴，影響生意至真！
撰文：大軍