要脫星「拆彈」只 得兩個可能性，一係宣布引退，二係健康響起警號。而脫星Jewels Jade早前亦宣布準備「拆彈」，當事人表示要改寫呢種「隆胸泡沫」喎！
外國人乜都追求大，咪咪當然愈大愈好啦！可惜佢哋根本無標準，以致惡性競爭，今日你E級導彈，聽日我變G奶，講到尾受害嘅正係脫星自己。
Jewels Jade自言入行五年已做過三次隆胸手術，由C變到今日FF奶，好不架勢！阿妹亦直認為咗搵食，再大都要忍！「我入行時，C Cup經已好受人注目，不過時代唔同，脫星推陳出新，兩年後C已變成入行必備，為咗競爭，我又再隆胸變E，以為足夠玩到退休，點知未夠一年，又要變FF！再循環落去，未知到死嗰日，我個胸或者會大過人頭！」美國脫星界出現呢股「隆胸泡沫」經已唔係今日嘅事，同我哋香港嘅發水樓一樣有得揮架！
食得鹹魚抵得渴，既然Jewels Jade已三次僭建，「過磅」度日對你嚟講濕濕碎啦！因乜解究今日要大事公告天下拆彈呢？係咪想乘機博宣傳先？「冇你諗得咁膚淺，雖然我習慣佗住兩包米做人，但唔代表我接受迎合觀眾口味，既然大家都對大咪咪見慣見熟，即是已冇吸引力，咁不如我嘗試拆彈，或者令大家感覺更清新，更接受我嘅表現呢？」哦，原來阿妹嗌拆咪，無非都係想試吓水溫，一旦影迷群起杯葛，當事人例牌否認，幾時都話脫星有性格架啦！
出生日期：1977年10月13日
三圍：34FF、24、34
身高：5呎4吋
撰文：祖