世事無奇不有，單係骨場怪事我大軍都聽唔少，假如畀着當事人係你又會點？話說內地骨場有一對情侶，男嘅做經理，女嘅做技師，同一個場朝夕相對，但男叫人嫖，女要接客，你估呢對情侶有幾真心呢？
答案係不但真心，更其利斷金，事關呢對骨場情侶係我認識，甚至係公開嘅秘密，連老闆都略有所聞，奇在當事男女完全唔理閒言閒語，經理甚至會介紹「女友」畀人嫖，雖然話人客唔知情，但換轉係我，睇住女友袒胸露臂，陪人客入房，此情此景，真係唔知點處理？
我問過男方，佢話起初女友喺第二個場做，但生意麻麻，其後過檔同場搵食，為免同行群起杯葛，呢對情侶更主動同大家交代，難得駐場技師非常體諒，令佢哋可以喺行頭立足。眨吓眼佢哋已拍拖兩年多，男嘅繼續帶領女友行騷，女嘅等埋男友放工，雙方恩愛如昔，真係羨煞旁人！
撰文：大軍