唔好話麻甩佬見到靚女就想抽水，查實呢啲係男人嘅天性。不過行街博懵會被差人拉，如果想抽得光明正大又好玩嘅話，大可以去池袋學跳舞。事關當地舞蹈教室中嘅索爆導師，打正旗號等人抽水之餘，仲會撩學員打友誼波，都咪話唔過癮！
撰文：阿豪
學跳舞唔多唔少都會同拍乸有身體接觸，亦因為咁好易畀靚女拍乸話你鹹豬手佢，到時真係水洗都唔清！唔想畀人屈，又想滿足抽水邪念嘅話，不妨去位於池袋嘅上樓舞蹈教室學舞，除咗學得一手好舞藝外，仲有機會練得一套冧女棍法添！話說呢間位於池袋嘅舞蹈教室，前身其實係間風俗店，不過老闆想搞新意思，吸引多啲新玩家，於是諗到將個人對舞蹈嘅興趣，糅合於風俗服務中，既新鮮又夠噱頭。據老闆表示，自從佢將風俗店變成舞蹈室，每日有多達百幾兩百個玩家嚟學舞，生意真係旺到爆燈。
事實上，呢間舞蹈室並非所諗咁純粹賣噱頭，查實真係有舞可學，華爾滋、鬥牛舞到健身舞等都有。當然，對玩家嚟講，學舞係其次，可以同身材正到爆嘅導師有親密嘅身體接觸至係真！原來所謂導師本身其實係風俗孃，樣貌同身材固然毋庸置疑，而佢哋喺開班授徒前，都經過一連串高密度嘅舞蹈訓練，教起舞嚟有板有眼，最重要就係佢哋授課時，會穿着性感高衩緊身衣，玲瓏浮凸嘅身材展現無遺。另一方面，佢哋採用一對一教學模式，換言之玩家可以一對一目及餐飽兼抽水。
香艷嘅身體接觸，唔少玩家都想將導師正法，呢個時候導師就會帶玩家到密室開波，嚟場肉搏戰！有曾經去過呢間舞蹈室學舞嘅玩家表示，呢間舞蹈室除咗玩法夠新鮮外，最重要就係可以學跳舞為名，瞞住女友去曳曳，加上喺密室激戰，唔怕女友隨時上嚟踢竇，玩得更加放心。呢間舞蹈室嘅收費共分兩種，一種係課程形式，玩家須定時上去學舞，四堂課程學費由五萬日圓起，折合約為四千七百幾港元；另一種係單堂形式進行，每堂收費為一萬五千日圓，約為一千四百多港元，唔知邊種啱大家玩多啲呢？