耗資三千幾萬港元嘅《3D肉蒲團》，現在拍攝得如火如荼，唔少觀眾都非常期待，到底3D效果下欣賞索女做愛會係點樣？究竟對肉球有幾「逼」真激凸？當然，一切問題都會喺出年五月上映時揭曉。依家不妨重溫吓香港經典三仔──《玉蒲團》系列，唔知大家睇過未呢？
提升香港經典三級電影，唔少人都會諗起《玉蒲團之偷情寶鑑》，為《玉蒲團》嘅首部作品，該片於1991年上映，以原著小說《肉蒲團》為藍本，主演卡士非常強勁，包括吳啟華，鄭則士、徐錦江、葉子媚、周弘、村上麗奈、吳家麗等。呢部電影由麥當雄擔任出品人，蕭若元監製，樂易玲策劃，導演則為麥當傑。片中有唔少性愛鏡頭，但鮮有露點場面，尤其當時有波霸之稱嘅女主角葉子楣，更係三點不露，之不過仍創下1,800萬票房紀錄，並掀起咗香港嘅精品式三級片熱潮。
第二部嘅《玉蒲團之玉女心經》，於1996年上映，由錢文錡執導，主演者包括李麗珍、舒淇、徐錦江、駱達華等。呢部作品為全新創作，論娛樂性梗係高啲啦！仲有當時唔少男士嘅性感女神李麗珍及舒淇，前者於片中作全裸演出，以求突破，後者於當時為冇乜名氣嘅艷星，但其後一年即以《色情男女》奪得香港電影金像獎最佳女配角，以及最佳新人，現已進身荷里活女星。最令人印象深刻係飾演陰陽同體嘅舒淇與玉女李麗珍互砌一幕，諗起都令人有所反應。
原著《肉蒲團》，由李漁所著，為章回體艷情小說，分《春》、《夏》、《秋》、《冬》四卷，每卷五回共二十回。著於清朝順治十四年（1657），屢遭禁讀，其後傳入日本，廣泛流傳，現今最完整嘅抄本存放於日本東京大學。此外，由於「肉」與「玉」粵語發音相同，故電影版取名為《玉蒲團》，但除咗第一部《玉蒲團之偷情寶鑑》之外，其他同類電影都跟原著內容冇乜關係。
《玉蒲團》系列電影共有十四部之多，第一部《偷情寶鑑》及第二部《玉女心經》最經典，前者與小說一致，故事完整，後者屬全新創作，充滿娛樂性，之不過到第三部《官人我要》，開始變得毫無故事可言，演員卡士亦唔似得第一、二部咁有分量。玉蒲團系列名片如下：
1.玉蒲團之偷情寶鑑
2.玉蒲團之玉女心經
3.玉蒲團之官人我要
4.玉蒲團之閏房秘技
5.玉蒲團之玉蒲團笑傳
6.玉蒲團之西廂艷談
7.玉蒲團之足本玉蒲團
8.玉蒲團之雲雨山座
9.玉蒲團之陽物性教
10.玉蒲團之淫行天下
11.玉蒲團之天下第一
12.玉蒲團之新官人我要
13.玉蒲團之極樂寶鑒
14.玉蒲團之淫行無道
撰文：娟娟