喺內地工廠打工嘅人士，多數嚟自農村，收入微薄，而且保障成疑，冇糧出或拖欠薪金嘅情況屢見不鮮，為咗生活，有工廠妹竟然利用宿舍作淫竇，於裏面接客賣淫，並慫恿其他姊妹一齊兼職，實在離譜到極！
據了解，工廠妹賣淫並唔係新鮮事，之不過甚少猖狂到利用宿舍接客，事關好多工廠都會訂立規矩，喺夜晚某時段之後，唔准員工隨便離開宿舍範圍，外人出入都要預先登記。不過，規矩還規矩，唔係個個人都咁有責任心去遵守，有啲工廠直頭冇王管，令到賣淫情況更加嚴重。好似早前有人踢爆江蘇省徐州一間電子廠嘅宿舍入面，有數名工廠妹進行賣淫活動，雖然閘口設有保安，但未有阻止閒雜人等出入，甚至視而不見，形同虛設，導致嫖客大安旨意走入宿舍單位搵女陪玩。
喺工廠打工嘅女仔，雖然背景不同，但多數嚟自貧困地區，生活艱苦，加上薪水唔多，間中又會出現拖糧情況，部分人為咗搵多啲而不惜出賣肉體，呢一點相信大家都會理解。呢班工廠妹利用宿舍接客，並與外面一啲搞手勾結，安排嫖客入去玩。據講，雖然工廠妹嘅質素大多唔及夜店小姐，甚至毫無床上技巧可言，之不過對於嫖客嚟講，工廠妹身上毫無撈味，心理上覺得比起職業小姐來得乾淨，所以搵佢哋陪玩實在有另一番新鮮感。而收費便宜亦係吸引嫖客嚟玩嘅原因之一，一次服務只收取一百蚊左右。
呢班工廠妹聯合起嚟喺宿舍賣淫，感覺上就好似一樓多鳳咁，為咗令每個人都能夠獲得賺錢機會，佢哋更自行編製咗一個「開工」時間表，認真騎呢。由於只有喺收工之後先有時間搵食，所以佢哋經常催促客人盡快完事，以爭取時間接更多客。此外，有工廠妹表示，佢哋一個月大概可以接十幾個客，收入約一千多元，比實際工資仲要多。至於點解唔索性走去夜店工作，有囡囡表示家吓掃黃不斷，認為喺工廠宿入面做兼職，比喺夜店打工安全得多。
喺工廠宿舍尋歡作樂，雖然別有一番滋味，之不過裏面嘅環境真係隨時將你嚇親。一來工廠妹甚少會清潔房間，被鋪可能用十年都唔清洗一次，自然成為病菌溫床，加上多數係共用一個浴室，中招機會大增，想玩嘅朋友認真要諗過先呀！
撰文：娟娟