最近去過一間夜總會，小姐就即場派套，現場所見大把客人爭相去攞。梗係啦！因為呢款套係大牌子，而且仲係免費添，客人就當然係唔客氣。夜場話呢一類派套活動，好多人都以為係免費，即係由廠方贊助，其實間廠同佢哋有合作關係，夜場要出個套嘅一半錢，咁即係可以半價攞貨，但係間場就要幫手搞推廣。
咁其實都係一件好事，可以話係三贏局面，首先間廠可以喺間場賣廣告，等客人可以多用佢哋嘅套，用過好就自己都會買，而間場又可以因為咁而吸引到客人，咁當然最好嘅就梗係客人，因為唔使錢可以攞到咁多套。若果宏觀咁睇，個個客人都有套在手，咁即係話大家都可以玩得更安全，生意都自然會更好。
撰文：刮王