近期天氣涼快，間中多雲有雨，更加令氣溫稍稍下降，晚黑仲翻風添！點解我突然天氣小姐上身？咪就係因為我身體差，天氣一轉我就沾寒沾凍，疑似感冒纏身，想叫各位爸打保重身體囉！而提到秋冬保健，食蛇就當然係首選啦！不過，蛇羹愈賣愈貴，上年我陪同紅顏知己去觀塘食蛇羹，一細兜就要成五十蚊，今年相信價格更會上調。不過，好彩仲有另一個好選擇，就好似大角咀一帶嘅蛇店有套餐供應，五十蚊左右就有蛇湯、蛇羹同糯米飯，另叫仲有蛇湯火鍋添！食到全身熱氣上湧，再移師夜店夜蒲就Fit晒啦！呵呵呵！
撰文：賢