外勞脫星嘅待遇喺歐美雖然已有明顯改善，但始終追唔上本土脫星，而小部分出產自不知名小國嘅就更加唔使講，好似嚟自阿爾巴尼亞嘅脫星Breanne Benson，雖為索女都要受盡不平等待遇，至有今日成就。原來做脫星並非你想剝衫咁易架！
阿爾巴尼亞（Albania）喺邊？等細佬講你知啦！查實係歐洲巴爾幹半島一國，西北係黑山、正北係科索沃、東邊係馬其頓、南方屬希臘、西邊係阿德里亞海。講完都冇印象？算啦，相信都冇人會想深入了解，你只需知道呢個地方有件索女脫星叫Breanne Benson就得嘞！
喺當地土生土長嘅Breanne Benson，家陣可以話係阿爾巴尼亞嘅國寶，甚至做旅遊大使都唔過分，皆因阿妹近年喺美國四仔界紅透半邊天，大小四仔都爭住搵佢拍，錢的確係搵到，但其實阿妹入行初期都有不快經歷！
Breanne Benson話：「記得千禧年踏足美國呢個地方，以為一切都自由掛帥，人人平等，我亦因為想搵快錢而來，但入行後一直受到不平等待遇，頭兩年都只係拍成人雜誌寫真，啲收入連基本生活都維持唔到，夜晚要去酒吧跳艷舞，但酬勞就比一般本土囡囡低一半，收到人客打賞亦要同夜場分，當時日子過得好辛酸，到第三年認識到一位美國男友，生活有所改善，滿以為可以開花結果，誰知對方一腳踏幾船，分手後更收回所有禮物，簡直係世紀賤男！」
人在異鄉孤零零，被賤男騙情，工作更受到不平等待遇，Breanne Benson依然撐得住全因為一個「錢」字。Breanne Benson解釋：「我有諗過返鄉下求其嫁人算數，但一諗到將來生活會非常艱苦，依家嘅苦又算得係乜呢？於是決定同公司解約，自己接Job，就算免費都好，我要爭取出鏡機會！」皇天不負有心人，經過兩年多努力，阿妹終有出頭天，憑住佢嘅索樣及弗爆身材，坐穩四仔界係必然，而佢亦因為自己擔任經理人，真係可以話賺到盡。另一方面，Breanne Benson更計劃開設四仔經理人公司，引入更多同鄉姊妹過美國掘金，若然呢條水開通咗，阿妹即時收山都不愁冇飯開！
出生日期：1984年4月22日
三圍：32C-22-35
身高：5呎4吋
撰文：祖